ADVERTISEMENT

This area is available for advertisement. Please contact for details.

Arnivang
Get Adobe Flash player

Hills Medical College kikim kechokche an che-ot thu nangji: KAUEA

Diphu, Chiti 21: Diphu rongsopi along kapangni Hills Medical College ahem kikim kelang kapangkre dunve ajok ahem kiruji anatsi dam bom pu angthek pini porphai 11:30 apor malom Karbi Anglong Unemployment Engineers’ Association (KAUEA) klembang atum kahumri dam ahutsi kethek dam long.
Hills Medical College aphan ningkan pharo-pharo kedo nangji ahem keselam bom adim asap bak achikli kahijuk anta kiruhupji angring anatsi dambom, sonsi hadak ahem anujok heihui anta pakek-et mate kechok lim kalidet pusi engineering technical aron ateng kejong do. Lahei asai kapaklem ke site engineer atum amo kevangve ajok lo. Lapuson asai keklem thek longsi keklem-kedam kechokche a building an ke akimi technical ateng pen ahem pachetheng etsi akimi cheklem thu nangji puta Karbi Anglong Unemployment Engineers’ Association (KAUEA) bangphu Tinku Kro kehang paso. Anparta hadak site incharge a engineer ta keklem kechokche adim kedo an ke akimi selam thu po pusi chechak dun.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives