ADVERTISEMENT

This area is available for advertisement. Please contact for details.

Arnivang
Get Adobe Flash player

Checharlangso, Taralangso 2 kacheleng atovar kememe ajok rat kisung

DIPHU, Chiti 21: Kemesen pen kacheleng atovar kedo henlo rat atum isi kachingthur kethenai atovar lo, seta pini Karbi Anglong angkang rong atok-ano malom mesen pen tovar lele puke aphi alam lo. Karbi Anglong ahempi Diphu rongsopi pen kachekoinot mate Diphu Town Committee kaparlo ward No. 4 angkang Rongmili arlo kedo Checharlangso, Taralangso No. 2 ahavar inghan langbung atovar pensi cheleng nang bomlang.
Pinpurme, Diphu rongsopi angbong pen Checharlangso, Taralangso arong ta isi rong barim lo. Seta bangso arong chokim det pen pini arni anta mesen pen kacheleng atovar avelang. Pini malomso vet arve kevang bangso atovar keng dongvong nang athai ave, jasemet osomar atum school kidun kevang lapen hithi borva kedam ahut penang an akisung pen chechak nang lo. Lasi BJP ratpangri pen Karbi Anglong angkang atok-ano malom anta black topping atovar pale etji pu akemang along nelitum Checharlangso Taralangso No. 2 along setame black topping atovar kevanji aphansi hadak arat atum choningri lo lapen tovar cholang prong lo pusi hadak arong arat atum birta nangpale.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives