ADVERTISEMENT

This area is available for advertisement. Please contact for details.

Arnivang
Get Adobe Flash player

Zirikindeng pen Rongchejeng adak PWD atovar pabenghoi adim rat thurpak kaselam

Diphu, Chiti 20: KAAC kaparlo No. 9 Amreng MAC Constituency angkang Zirikendeng pen Rongchejeng adak kacheleng PWD atovar kaselam pabenghoi ajoine hadak a rat atum kedam-kevang akisung pen kachetong nang lo.
Pinpurme, kedamtang ko-an aningkan pen lone kacheleng atovar kave pen ajok rat atum akisung kachechak nang, aphong-aphong lo kacheleng atovar mesen po pu rat atum ningchepathe dam pen lapu an aningkan plengdet aphita thangnat asai ta ratpangri pen kedeng pi ave. Anparta kedamatang ASDC, Congress atum chari ahut Amreng Constituency penta KAAC along EM arpu kedeng dun abangphu ta do oh lo, seta nelitum rong atok-ano arat aphan nang panung kuk lo seta nonhetjong Amreng Constituency pen kehaidun MAC Rina Terangpi Rongchejeng ahavar arat aphan kacheleng atovar nangkevan pithek abangke havar arat atum MAC Rina Terangpi alangliphan chorore un-e lapen ningchingsam pajir lo, bonta bangso atovar nangkaselam pi a contractor abang asai patangte ington kok abangke havar arat ningduk lo. Lasi madu a contractor pusetame bangso asai kachepatang serakji aphan Rongchejeng ahavar arat choningri. Non Rongchejeng pen Rongphar Kong arat edon inut thurpaksi kapabenghoi atovar rat pensi kedam-kevang kejoikeji aphan tovar selam det lo pusi havar arat pherangke angno jai.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives