ADVERTISEMENT

This area is available for advertisement. Please contact for details.

Arnivang
Get Adobe Flash player

Zirikindeng BPHC along torch ameh pensi oso pajejang

imageDiphu, Chiti 19: Zirikindeng Block PHC along jasemet rihing ameh lapen lang kave det ajok chokamar atum methang asai keklem ahut akisung kachetong nang puke akimi alam kalilo.
Pinpurme, seh kachelam ahem pulote rat atum ajo-anarlo chepu thekthe pin apor keso ahut kachepaklangji aphan vang bom. Non hetjong kedamtang Chiti 14 aningve Zirikendeng Block PHC along inut abangphi oso amahang kapathekji aphan ajo apor vanlo. Bangso ahut nurse pen doctor atum keklem-kedam apor ahut rihing ameh kave ajoine mobile ameh (Torch) lapen candle ameh keklan pensi oso kachopathe abangphi aphan apran pen pajok dunlo pusi Zirikendeng Block PHC achokamar pherangke angno jai lapen bangso seh kachelang BPHC asaihem along rihing ameh kedamtang 2017 aningkan Paipai achiklo 13 arni pen pini arni an ningkan isi sose lo, seta rihing ameh abirta avelang. Pinpurme Karbi Anglong Autonomous Council kaparlo ok-pran kelang asaikam arpu kedo atum ta aphong-aphong lo Zirikindeng BPHC asaihem along nangkahumri lapen hadak akisung rihing ameh pen chenglok lang heihui akisung thek tekang longlo. Seta pini arni thangnat ta akichun angthek ave, lasi Zirikendeng BPHC along kedo prong achokamar atum asontin ahin ta akisung saide. Sonsi meh rihing, kijun alang, birta kachipiji aphan mobile network kave lapen sai keklem-kedam ahut arleng-arlok atovar kememe ajoine gari-motor dam un-e pen kijut un-e pin akisung pen pini arni anta chechak nangbom lang. Anchot ta kali district asor atum hadak nangkahumri ahut ta tam inghor nang titi puta alam arju dun long.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives