ADVERTISEMENT

This area is available for advertisement. Please contact for details.

Arnivang
Get Adobe Flash player

Langroi keteng inghap nangji: AIUDF

GUWAHATI, Chiti 16: Assam arat aphan akangting anatthu bikoksi tiri ratpangri Arunachal along long 27 langroi ketengji aphan angthek kipike Assam aphan thedung akisung kevannji abangke theklor lo. Aprang union Environment & Forest a minister Piyuz Goyal kachipi alamchak ta kapachobai puke non asai kedeng pen amatsi thek longpronglo. Pachetak aloh pen AIUDF ameiphu lapen Dhubri MP Moulana Baddrudin Ajmal kapangdak ke, Environment ministry atum Assam aphan palomsi Subansiri langber anatthu long 27 langroi keteng pen kisung kephoji meme aphuthak alamjaimek (report) pajirlo. Assam along Brahmaputra pen Ranganadi aroi aningkan-ningkan pen lang kethe pen pasung bomlo setame halaso alam abangke report along parlo ponpe detlo. Laso alar Assam aphan kapavirji aphan ingdoi chorsi Arunachal along long 27 langroi ketengji aphan tiri ratpangri angthek angthek pilo. Ajmal kapachetak thuke nelitum Assam along thedung alngroi keteng chekroi dunde. Assam along kedo-kethak, jutang-jubat parengver nangji pulote ratpangri pen laso aphuthak ase chipi dun nangji puta pachetaksi langroi keteng ington nangji pusi hang. Pachetak aloh along kapangdak thuke tiri ratpangri atum detpi arlo arnivang kenangsot ahormu ador kapabat ajoine sankur arat aphan penang an pasunglo. Aphongtin kilik aprang ador pajumji pu alamchak kachipi aratpangrisi arnivang ador pabat bomlo. BJP ke lamchak kachipi aratpangri anchot. Keplang-kiphi apharman sai keklembom BJP aratrpangri atum sankur arat aphan asitin alongsi pasung ponlo. Lasi jangthu pen danglok kenangsot ahormu ador pajum nangji pusi ratpangri aphan Ajmal pachetak aloh pen hang.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives