ADVERTISEMENT

This area is available for advertisement. Please contact for details.

Arnivang
Get Adobe Flash player

Jirikindeng along pathu aklam kapachingthurji aphan long-eh kesom

imageKheroni/Jengkha, Chiti 16: Karbi Anglong Autonomous Council kaparlo a constituency tin ta kapathu ahin kapaprang dunji aphan pathu aklam kapachingthur asai kedeng bom asonsi pini Amreng MAC constituency along ta KAAC CEM Tuliram Ronghang alohi sarpo aman pen chetong dunsi alangli arideng pen long-eh pasom. Jirikindeng Hemphu Mukrang pathu aklam abolon kipiji aphan Finance Ministar Special Package pen sika kuti kep atangka pen auditorium hall, stadium lapen gallery kikimji aphan panong.
Labangso a saideng along EM atum Rupsing Teron pen Kache Rongpipi, KAAC chairman barim lapen MAC Horensing Bey, MAC atum Dorsing Ronghang, Pawan Kumar Rai lapen Rina Terangpi, BJP West Karbi Anglong ameiphu Arun Terang atum chopha alohi aman pen chetong dun.
Long-eh kesom rat amai kapangni ahut KAAC CEM Tuliram Ronghang kejai ke, Jirikideng pen Kheroni adak kacheleng PWD atovar prapjin pen black topping kaselamji aphan deng po, Jirikindeng Junior College kikimji adim longle peksi patta ta keklemji aphan deng po lapen Jirikindeng arat akisung do-anta kesailapji aphan bor-i po. Alangli kejai thuke, BJP ratpangri ke kaita kadure arat aphansi kerap paprangji, kaita rat akisung alongsi arjap dun thipji.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives