ADVERTISEMENT

This area is available for advertisement. Please contact for details.

Arnivang
Get Adobe Flash player

GPC along Chennai Apollo pen ni-ni media OPD clinic biji

Guwahati, Chiti 16: Non kevangji Chiti 22 pen Pre 5 arni, ni ni Guwahati Press Club along Chennai, Apollo Hospital media OPD clinic mate keso a pherangke atum aphan langji. Non kevangji Bhomti arnikangsam 3 pen 4:30 apor an akejoi pen pherangke atum aphan Dr. S. Kannan (ENT/ Head & Neck Surgeon) akeso langji. Keso kachelangji atum achethok katora, angho amek, ano keso heihui ta chelang dun me.
Lason thak thaksi kaprek-kaprek arni ajaimek kedeng Bhomta arnikangsam porphai 5 pen 7 apor an arta 40 athak ason-son akeso atum Geriatrician Dr Rajendran Magesh along chelang dun me.
Press Club bangphu lapen kachepho-chero atum akejoi pen laso avarsai aphan panonglorsi ‘Evening with a doctor’ ajaimek deng lo. Laso ok pran aboha kapangni along India arlo kaprek-kaprek hospital Medanta the Medicity, SIMS Hospital, Apollo Hospital Guwahati, Down Town Hospitals, GNRC Hospitals, Dispur Hospital, Ayursundra Hospital, Wintrobe Hospital, Health City Hospital, Nemcare Hospital, Excelcare Hospital, Sun Valley Hospital, Narayana Hospitals, Swagat Hospital, Barthakur Clinic heihui ta cherap cheto dun.
Kaprek-kaprek alongri/havar arlo keklem apherangke atum press club pen laso avarsai kedeng along ale cho-en dun me.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives