ADVERTISEMENT

This area is available for advertisement. Please contact for details.

Arnivang
Get Adobe Flash player

Bakalia Richohidi along kitinthap pen so-arlo kejor aphuthak cheroktok amai kangni

imageBAKALIA, Chiti 16: Science & technology akai penang an papranglo pu jonghele chethang pusetame pini arni anta atok-ano adim along kacheroktok pen tikuk dun nanglo. Jasemet petke phangkedong kitin pen Dokmoka Panjuri along alamki pini arni anta rat aning do-eh lang. Laso ajoine inglong alongri arlo phurun-phuron cheroktok asai deng bomlo. Lasonsi pini Assam State Women Commission (ASWC) pen National Women Commission atum cherap dunsi pini Richohidi High School auditorium hall along kitinthap pen so-arlo atum aphan kejor kanghu abeha keklem pen kekhang unji aphan ASWC ameiphi Sikimiki Talukder arideng pen melur kaisi laso cheroktok amai pangchenglo. Laso ahut alangli kejaike state adangpi atok-ano adim daini lapen kahonthe thap atemon non anta jap bom lang. Penang an atumke non anta daini kitin pen adai kave atum aphan apran karmut lapen areng kapaso heihui asai langno keklem pen methang amatsi thek piklo pu kachekrong mate kachematha atumta dolang. Lasi lahai asai langno keklem atum aphan sodak pinremlo. Kedamtang arni inut national angdeng pathu abangphi Debajani Bora aphanta daini pinchongsi penang an abangphu atum ketheng-kechok dolo, lasi kevangji arni lapuson temon langno mate kitinthap asai hehui abangke kapavangve detji aphan anuttinta cheroktok nangpo pusi choningri. Halapu lamdok lamthu pen so-arlo atum aphan kejor kanghu abeha keklem asaita dopiklo puta meiphi Sikimiki Talukder ningje thusi jasemet petke khei angbong kacharvo lapen temon, chikli, lang kethe heihui pen kisung kepho atalom malom abangphi atum joike pen lapuson lamdok lamthu kebai atum along ludunvoksi kisung phodun nanglo. Lapuson kisung kepho abangphi atum aphan hamphang alongta kedengde det abangke lata isi thedung akisung. Lasi lahai aphuthak adontin kacheroktok asai pale thek nangpo lapen kitinthap asai pen chepahelo nangpo pusi jai.
Bokajan a MLA Dr. Numol Momin kejaike Karbi Anglong along Dokmoka Panjuri along alamki ason puthot pado thuthe det nangpo. Anuttin ta methang amatsi cheroktok nangpo lapen kitinthap lapen kahonthe thap ke kechengsi methang ahem pensi kithur-i. Lasi ajat alamki ahin pusetame kechengsi police mate saikam kelangchari atum aphansi birta pachini paprang nangji lapen aron ke methang che-en nangne pusi jai.
Deputy Commissioner Mridul Kumar Mahanta ta Vosik niphai 13 arni kapangdak daini oppose Act. aphuthak klardak pen than pachinisi laso a Act. pen adai kedo atum aphan kosonsi kangsaima aphuthak ta pachini. Alangli kaningje thuke France, Italy adet alongta aprangke lapuson kitinthap pen apran karmu asai langno keklem dolo setame aphike halahai asai langno nonke chepahelo lo, lasi ladak ta halaso a-ot adur abangsi rim dun nangpo. Hamaphang along pen kitinthap asai langno kapacheheloji along ratpangri atum along cherap- cheto dun nangji puta ningjesi Karbi Anglong along cheroktok asai kedeng kechengsi kalilo kedamtang arni penta nangdeng bomlo lapen kevangji arni Hamren, Diphu, Bokajan atalom atok -ano adim alongta cherotok asai bidamji pusi jai.
Mai along HAD minister Sum Ronghang, MLA Joyram Ingleng, MAC Ramsing Timung atumta lahai kitinthap lapen kahonthe thap ason pen kachepaheloji aphan choningri. Kaprek-kaprek atalom pen kachetong dun abangphu-bangphi lapen kacharli osomar atumta bangso cheroktok amai along cheto dun.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives