ADVERTISEMENT

This area is available for advertisement. Please contact for details.

Arnivang
Get Adobe Flash player

Thoiso Timung arong along WSS EM Prodip Rongpi arideng pen kangpu

Diphu, Chiti 15: Pini pen kevangji Mahatma Gandhi ingdeng 150 amahang kethek arni an India tiri ratpangri kedeng “Mission 100” pen Swachhta Hi Seva” kapangcheng asai angdeng along pacheton dun si Karbi Anglong Autonomous Council kaparlo Mahamaya MAC Constituency arlo Thoiso Timung lapen adung arei rong arat atum klar-et kangthir-et alang kapajun longji avarsai aphan EM Prodip Rongpi arideng pen PHE department pen kedeng WSS ingpu.
Pini Thoiso Timung arong along WSS ingpu det aphi rat amaipi ta pangni. Laso amai kapachunji aphan BJP Samelangso Block Mondal chunbang Babu Tisso si mai chari lapen mai kangni alamthe KAAC Secretary ACS Si-im Taro pensi kachetong doan arat atum aphan than.
EM Prodip Rongpi pen chenglok MAC Lunsing Teron, KAAC Secretary Si-im Taro, Diphu Urban W/S Division (PHE) Executive Engineer Bikram Teron lapen VDC Chairman Long Sing Tokbi atum chetong dun.
Thoiso Timung WSS kangpu amai along EM Prodip Rongpi kejai ke, pini India tiri ratpangri pen “Mission 100” lapen “Swachhta Hi Seva” pu asai kedeng along pacheton dunsi pini ilitum bangso kangthir-et kejun alang kelongji aphan ingpu longlo. Pini Karbi Anglong lapen Weast Karbi Anglong arlo kaprek kaprek adim along sitame kangthir-et kijun alang kelongji apharman sai deng lo. Assam alongri Boko along No. Rajapara WSS Pipe Water Supply Assam Chief Minister Sarbananda Sonowal arideng pensi ingpu lo.
Lason thakthak si alangli setame kaprek kaprek adim along ingpu lo lapen Weast Karbi Anglong along ta MLA Dr. Mansing Rongpi atum pensi kachingthur asai amo mate rat apharman keklem asai ingpu pilo. Pu-an aningkan ilitum bangso ahavar arat atum kachonghong kachepaningding dun pen pini arni anke ilitum kangthir-et kijun mesen avarsai longlo. Bangso avarsai kelong lake, CEM Tuliram Ronghang kejalin pensi varsai kelong lasi alangliphan choro vek nangji pusi mai along jai. Alangli inut kaseletle dei pen karjangvet ratchari asongja lo. Alangli ajo-jirlo apor ta kachingthur asai keklem along kelangchari dam dode sangse ajabang lo. Lason asongjapo pen keja lapen ilitum ning kachethe MAC Lunsing Teron alangli ta rat akisung aputhak kamatha parsik abangphu ajok si pini bangso scheme pen ajok ilitum kangthir-et alang jun long po. Non kikhi bom MAC Lunsing Teron pen aprang koan atum lone MAC, EM lapen CEM nangman lo. Setame rat atum ke kaike lang-cheho si kijun nang. Bonta, non Lunsing Teron alangli ke MAC chot anta rat aphan kangthir-et alang kapajun long ke alangliphan ilitum choro nangji pupen chenglok penang an choro pajir nangji pusi kachetong dun alohi atum jai. Lason thakthak si, MAC Lunsing Teron setame kachetong arat atum aphan kethan paklar tekang ke, pini ilitum bangso scheme kelong lok lake EM Prodip Rongpi alangli setame ilitum aphan kerap thepik. Alangli nang kabor-i dun pen ajoksi ilitum bangso alang angkro pen ajok lang jun longpo. Anparta rat atum neliphan kanghon lapen ning kachethe kedo pen ajok lapen kerap kepajir dunpen ajoksi neli ta nanglitum nelikanghon asonthot si nanglitum aphan kaike kerap kepajirji aphan bor-i si pini bangso scheme pachun lo. Bangso along ilitum kachinghon Secretary, Si-im Taro pen chenglok PHE saiphu mate EE Bikram Teron lapen alangli risangho atum nangkacherap cheto dunpen ajok si ilitum sai angdeng ta chun lo, lasi alanglitum aphan seta choro pajir lo.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives