ADVERTISEMENT

This area is available for advertisement. Please contact for details.

Arnivang
Get Adobe Flash player

Pini CEM arideng pen KAAC kaparlo Phuloni MAC constituency along kachingthur avarsai kedeng dam

imageDiphu, Chiti 15: Pini Phuloni Constituency angkang arlo Samuguri pen Tongklong Bey arong adak kacheleng PWD atovar CEM Tuliram Ronghang arideng pensi pangpu. Kangpu asai along EM Prodip Rongpi, EM Jagatsing Ingti, EM Khonsing Rongpi pen chenglok Local MAC Dorsing Ronghang, MAC Mongal Sing Timung, MAC Horen Sing Bey, MAC Ramsing Timung, MAC Lunsing Teron, MAC Richard Tokbi atum chetong dun.
Kangpu asai kedeng ahut CEM kejai ke, nelitum Team Karbi Anglong pen kemang Karbi Anglong atok ano kedo rong arat atum ta mesen kacheleng atovar long nangji pu akemang along isi pen isi nangchun bom lo. Pini lethot ta bangso PWD atovar kangpu along ilitum rat kachingri, rat ajakong pen ajok si bangso atovar long lo. Rat ajakong pen ajok si sorkar chari long, rat atum jonsi bidi sore pen chenglok asitin along ta pachini dunde pu asonte bangso asai chun un-e. Ilitum kachinghon MAC Dorsing Ronghang alangli kaike ta rat atum apharman mesen atovar selam nangji pusi nelitum Team Karbi Anglong along kachingvai chot kali sorkarpi atum aphan ansitame alangli choningri. Bangso ajok si ilitum pini long dun lo. Arnisivet ke asontin asai ta kapachun pachetang un-eh. Setame, ilitum kado kave ning isi dopen cherap cheto pulote isi pen isi chun ponbom ji pu lamthe jai tekang si Phuloni Constituency angkang arlo Chapong, Khonsing Kro arong pen Men Phangcho arong kacheleng atovar kaselamji aphan long-eh som lapen Chapong Khonsing Kro arong pen Blasting Anglong pen Men Phangcho arong an mesen PWD atovar kaselamji aphan setame CEM Tuliram Ronghang arideng pen long-eh pasom. Bangso along-eh kesom apor ahut kachetong dun arat atum athengno lamthe kejai tekang ke, Chapong ahavar arat atum rihing ameh avarsai kelong dunde doan arat atum aphan Arni ameh (Solar) adontin aphan mate 100% ron pachetang ponji. Lapen prapjin pen rihing ameh sitame nangpale ponpo puta long-eh kesom amei along lamthe pachetak. Pini Dengkimo Apam along sitame Open Stage kikim kerang ponji aphan ta CEM Tuliram Ronghang arideng pen long-eh som. Pini pardunron pen Phuloni Constituency angkang kepachingthur asai kedeng pon along Mini Stadium, Auditorium Hall, Indoor Stadium lapen Galary kikim kerang ponji apharman Special Package pen kedeng pon 10 crore Scheme sitame Borsing Ronghang arong, Loringthepi along CEM Tuliram Ronghang arideng pen long-eh sompi.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives