ADVERTISEMENT

This area is available for advertisement. Please contact for details.

Arnivang
Get Adobe Flash player

KSA BDC arpu kachelar

Diphu, Chiti 15: Pini Hidipi KSA asaihem along KSA aro arpu kachelar lapen KSA Borjan ahavar ajabang amai kangni.
KSA lapen HSDC, SYC chelangsi porphai isi apor pen mai pangni lo. KSA BDC ameiphu Raju Ingleng  pen Jensing Ingti atum kachari amai along KSA tiri ameiphu Simeon Rongphar, HSDC ameiphu Dr. Mongve Rongpi, sankur chunbang Laichan Ingleng atum pen chenglok Harlongbi Kathar, Anthony Katharine, Amlong Ingti, Longkiri Ingti lapen Desoi Teron atum chetong dunsi jasemetpet kachesong kapangtangji aphuthak mai along lamthe jai.
Mai along penang an ajir kiding chingki-chethan det aphi kado kave chedonsar pen KSA BDC kachariji aphan pusi Longkiram Rongphar aphan meiphu, Rupmili Rongpipi aphan dun meiphi, Romon Rongpi aphan chunbang, Prodip Rongpi aphan rap chunbang, Juwelson Ingleng aphan dihin chunbang, Dhon Bey aphan sikdang chunbang, Dihun Inglengpi aphan jutang chunbang, Bordili Terang aphan saihem chunbang lapen Binong Kathar aphan pachethang anparta kaprek bang pho atum aphan klembangphu-phi peksi KSA BDC parjap thu lo.

Leave a Reply

Your email address will not be published. Required fields are marked *

September 2018
M T W T F S S
« Aug    
 12
3456789
10111213141516
17181920212223
24252627282930
Archives