ADVERTISEMENT

This area is available for advertisement. Please contact for details.

Arnivang
Get Adobe Flash player

Engineer atum ajakong kachingthur asai along en pon nangji: KAUEA

Diphu, Chiti 15: Chokamar keklem bom lapen voreng kavelang Engineer ajakong ke-enji aphansi Karbi Anglong Un-employed Engineer’s Association (KAUEA) atum choningri. Jasemetpet voreng kavelang a Engineer atum ajakong ke-enji aphan KAUEA atum choningri athe India prime minister Narendra Modi pen okkarjang (Youth) atum ajakong ke-en pen India aphan aprang keponji alam ningje ver. Netum kachini ason do-an Assam jasemetpet Karbi Anglong kapachingthur aphan kachipiji aphansi ninghang lo pusi Karbi Anglong Un-Employed Engineer’s Association atum pachetak.
Karbi Anglong Autonomous Council a CEM Tuliram Ronghang kejalin Team Karbi Anglong atum pen-pen Karbi Anglong district hini kapachingthurji aphan penang an klemlo. Entrusted asaikam along kapapleng nangji ahoi kedolang an kapaplengsi Karbi Anglong aphan la-an sose kachingthur asai klemthekpo pusi KAUEA atum choningri. Netumta Team Karbi Anglong along nang kacherap-kacheto dunji aphan ning hang pik lo pusi KAUEA pachethang chunbang Sar-et Ronghang birta pachetak.
KAUEA pen Karbi Anglong arlo kedo keklem bom a Engineer lapen keklemkle lang Engineer do-an atum aphan Engineer arni ahirjume pajir.

Leave a Reply

Your email address will not be published. Required fields are marked *

September 2018
M T W T F S S
« Aug    
 12
3456789
10111213141516
17181920212223
24252627282930
Archives