ADVERTISEMENT

This area is available for advertisement. Please contact for details.

Arnivang
Get Adobe Flash player

KCS tiri atum pen kechengsi aphong Hen-up ahi kibi arong aje kapaman

Diphu, Chiti 14: Karbi Cultural Society tiri amei atum pen patirpisi pini pen penap ni ni apharman kechengsi aphong hen-up ahi kibi arong-aje kapaman.
Jaimek ateng todap porphai 9:30 apor malom lunse kuru Rangsina Sarpo akengri kove banta lapen horbong horthai pen chingduksi ahirjume chohang lo. Laso aphi KCS tiri amei ameiphu Chandra Sing Kro jalinsi karlitang atum aphan kachikimo amelur kaisi chikimo lo.
Hen-up ahi kibi mesen me-et pen kapachunji aphan pusi longle ahi-i aphan Kurusar Bajong Ingleng arkli phejo lo.
Laso aphi risomar atum hen-up kepam jakong kachepharang aphan pusi kove cheron lo. Risomar atum kove chodet aphi okorjang (Girls) atum hen-up kepam adim hen-up nangthoksi kepam pangcheng lo. Laso ahut sarpimar atum hen-up achelon heihui kehek lapen ti dun lo. Lapu okkarjang (Youth) atum pen cheng arki angdi atengsi hen-up kiti pangrengprop lo.
Hen-up kepam pangchengche aprang lunsepo Seng Timung hen-up kibi aporom alun kilun lapen arnam kipu pensi hen-up kepam pangcheng lo.
Hen-up kepam patangdet aphi hen-up kibi ahorhi along risomar atum arlu lo lapen okorjang (Girls) atum hak pen hen-up roi dunsi ahorhi along thap dun lo.
Hen-up ahorhi along kethap along athu ke-ong muchot aphak ok heihui ta hen-up kapachomeji aphan pusi pangvui dun lo.
Hen-up kepam patang det aphi thekar varsi chepangthir pen horbong arnam pusi hen-up kibi asai patang lo. Laso aphi hen-up kibi kelak-keleng lapen kangchir-kelang it a okkarjang (Youth) atum lapen KCS tiri amei anparta kaprek-kaprek kachetong dun do-an an esan chorapsi chekak lo.
Hen up ahi kibi ajaimek along KSC ameiphu Chandra Sing Kro pen chenglok chunbang Bidya Sing Rongpi, KCS asongja Daniel Bey anparta kaprek-kaprek man kedo songjapi-po atum chetong dun.

Leave a Reply

Your email address will not be published. Required fields are marked *

September 2018
M T W T F S S
« Aug    
 12
3456789
10111213141516
17181920212223
24252627282930
Archives