ADVERTISEMENT

This area is available for advertisement. Please contact for details.

Arnivang
Get Adobe Flash player

Chetopet pen kilirseng alongri paman lonang: MLA Momin

Dilawjan along Clean & Green village kapinchongji aphan kangpu

DIPHU, Chiti 14: Prime Minister Narendra Modi amang kaheman longri arlo kangthirjir lapen kilirseng apirthe kapamanji aphan kabor-i along pacheton dunsi My Govt. Assam pen kedeng a mission Clean & Green Village ingpusi Assam angkang kaprek-kaprek a district along laso asai deng bomlo. Chiti niphai 13 arni West Karbi Anglong along ingpu det aphi pini Bokajan Karbi Anglong Bokajan sub division alongta ingpu. MLA Dr. Numol Momin si pini Dilawjan along laso a mission ingpu lo. Arongtin lapen adontin kangthirjir lapen lirseng nangji pu akemang along pini thengpi aklim ta ke-eh-kesom lapen ron dunlo. KAAC EM Madhurjya Dhekial Phukan pen danglok ongdung saikam asaiphu atum kacheto dun asai along MLA Dr. Numol Momin kaningje ke, thengpi pen lang henlo echethe abong, thengpi pen lang ave pulote ilutm reng un-eh athe thengpi thengprang keraikom mate pangjok thek pulote botor-bokan ta mepo lapen lang ta dopo. Jongsi thengpi thengprang pavirbom pulote botor-bokan ta henopo lapen langta ave detji. Lasi la son ni abangke ilitum keraikom kenangsot. Lasi lang ta raikom nangji lapen thengpi thengprang ta raikomsi isi kilirseng apirthe paman nangji. Adontin ta thengpi aklim ke-eh kekangsot lapen jasemet petke kedo-kethak kapangthir abangta kenangsot. Hem thikup pen jongsi ingthir lo pulote det longri ta ingthirpo lapen ilitum a prime minister Narendra Modi amang kaheman alongta papleng dun unpo pusi ningje.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives