ADVERTISEMENT

This area is available for advertisement. Please contact for details.

Arnivang
Get Adobe Flash player

Under-17 All Assam Women Football Championship pini pen kecheng

CEM Tuliram Ronghang ingpusi kechengsi arni Morigaon along Karbi Anglong atum 2-1 a goal pen kerem dun

Den Arong-Dokmoka-Phuloni, Chiti 13: Pini Karbi Anglong Autonomous Council a CEM Tuliram Ronghang ingpusi Langhin pathu along All Assam Under-17 Women Football Championship kapathu kecheng.
Pini arnikangsam porphai 3 apor pen Langhin pathu aklam along All Assam under 17 Women football kapathu kecheng arni alohisarpo aman pen KAAC CEM Tuliram Ronghang chetong dun. KAAC EM atum Tarendra Brahma, Amarsing Tisso lapen Kache Rongpipi lapen MAC Ramsing Timung atum chetong dun anparta Assam Football Association pen Hemendranath Brahma pen sankur chunbang Ankur Dutta, KASA sankur chunbang Pankaj Teron, District Sport asaiphu Relipson Ronghang atum chetong dun.
Pathu chengche aprang CEM arideng pensi lama pachipur lo. Laso aphi porphai 3.18 apor pen kapathu pangcheng lo. Pini kechengsi arni Karbi Anglong pen Morigaon district arlosomar atum angbongsi kapathu chedan lo. Kapathu chengdet pen Morigaon anatthu aterank Rupali Boro pu abangphi minute 5 angbong goal isi thap lo. Pathubom pen puthot minute 25 kechok ahut Karbi Anglong ahin Nonihoi Kepgen pu abangpi goal isi thap pen kechengsi angkung along hin-hin chingbarchit pensi apor pajut lo.
Adunthu angkung kapathu ahut Morigaon district atum ketheksoisai ajok chengdet pen minute 15 kechok thu ahut puthot Rupali Boro goal isi thap thu lo. Laso aphi Karbi Anglong atum goal kachitu un-eh det ajok kapathu kapajut ahut an kechengsi arni Karbi Anglong atum Morigaon district arlosomar atum along 2-1 a goal pen rem dun det lo.
Kangpu kecheng amai along CEM kejai ke osomar akai long pen kapathu ahin henlo kethenei kichun angthek thek longlo athema non alanglitum kacherap dun lok asai pen akethek along chiki dam lo. Kapathu ahin henlo kethenei ekai kichun angthek lapen non pirthe adang ta kapathu ahin thekser pu nong chethang bom lo. Kapathu kacharli long henlo kai along chepate dunji avarsai ta long lasonsi hamphang chepate along seta kereng dun atovar nang dolo.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug    
 12
3456789
10111213141516
17181920212223
24252627282930
Archives