ADVERTISEMENT

This area is available for advertisement. Please contact for details.

Arnivang
Get Adobe Flash player

PM Modi Rafale Fighter Aircraft along kapanglim aphuthak Congress kachesong

imageDIPHU, Chiti 13: Prime Minister Narendra Modi kachari BJP keja NDA aratpangri kadure arat atum aphan aduk kanghoi athe jangthu, gas pen danglok ason-ason kenangsot ahormu sining lekai ador kapaso aphuthak kedamtang penang an arni pen Congress atum chesong bomlo. Lahai ahormu ador kapaso ajok India angkangpi kangkir kachesong ta dolo. Lapuson apor ahut prime minister Narendra Modi nonhetjong kachetengkheng arot ahem Rafale fighter aircraft kenam along kapanglim do pu akoi pisi Congress thurpak chesonglo. Lasonsi pini Karbi Anglong District Congress Committee atum patirpisi Diphu arongsopi along kachesong asai deng. MP Birensing Ingti, MLA barim Bidyasing Ingleng, MLA barim Dr. Durlav Samua, EM barim Bidyasing Rongpi, Ashok Teron lapen Surya Rongphar, KADCC dun meiphu Pran Kumar Dutta, sankur chunbang Bidyasing Rongpi, Phuding Terang, KADMCC ameiphi Kasang Terangpi pen danglok ongdung Congress jabang atum jalinsi suri sose atoi-ani atum cheto dunsi KADCC asaihem pensi kachesong armu kachejeng barlo. KADCC asaihem pen deputy commissioner asaihem an armu kachejeng ahut prime minister Narendra Modi pen BJP asong aphan pinremsi deputy commissioner asaihem aduvari an palelo.  Prime minister Narendra Modi Rafale fighter aircraft kenam along kachopanglim aphuthak ingsai nangji pu hangsi India President Ram Nath Kovind aphan kapanongsi pinpur aloh deputy commissioner arideng pajir lo. Pinpur aloh pajir det aphi puthot KADCC asaihem an chirui thusi BJP aratpangri kachari kechokche aphuthak mai ingnisi kevangji arni lahai aphuthak kosonsi kachesongjima aphuthak chethan-chimum.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives