ADVERTISEMENT

This area is available for advertisement. Please contact for details.

Arnivang
Get Adobe Flash player

MAC Horensing Bey hithi ahem kangpu lapen kachingthur asai keklembom adim kahumridam

imageDIPHU, Chiti 13: CEM Tuliram Ronghang kejalin KAAC BJP aratpangri alongtin constituency ta chingthur et nangji pu KAAC Team Karbi Anglong pen kemang atengsi Rongkhang Constituency alongta MAC Horensing Bey kabor-i ajok kachingthur asai dengsi Rongkhang Constituency araje lar bomlo. Ratpangri pen nangkepale ason-ason a scheme hehui keklem ketang anke ingpu bomlo lapen keklem bomta dolo. Lasonsi MAC Horensing Bey pini North Hongkram along erui pen kecho ahithi ahem (market shed) ingpu. Laso ahut Rongkhang VDC meiphu Dinen Borloi, VDC meiphu barim Mohon Kathar, Rongkhang BJP mondol committee ameiphu Prodip Rongpi pen danglok Ratneswar Kathar, Boleswar Hanse lapen ongdung BJP along kacherap dun abangphu-bangphi atum chetong dun. Halapu Hanlokrok alongta MAC Horensing Bey humri damsi kachingthur asai keklem bom adim lang chari dam lapen hadak Hanlonglokrok Left Wing pen Right Wing BJP local committee atum penta mai ingnisi lahai kachingthur scheme kedeng heihui aphuthak chethan chimum. Laso ahut rat atum pusetame lahai kachingthur asai kedeng aphuthak ning kangsam chepaklang dunsi ansose kachingthur asai keklem along MAC Horensing Bey along cherap-cheto dun bomji pusi ningje rinti. Rongkhang Constituency ta isi kachingthur a constituency kapamanji aphan un anke bor-iji lapen sorkar pen nangkepale avarsai do-an kipi kapajir pachetangji pusi MAC Horensing Bey rat aphan ning pathesi neli jakong dotik ke Rongkhang constituency arat aphan ajat ahinta patikuk longle pusi ningje.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives