ADVERTISEMENT

This area is available for advertisement. Please contact for details.

Arnivang
Get Adobe Flash player

Kechengsi LSA football championship pini pen kecheng

Diphu, Chiti 13: Pini No.14 Korkanthi Constituency kaparlo Langlokso English High School pathu aklam along kechengsi Langlokso Sports Association Annual Football League kapathu.
Kapathu kecheng LSA ameiphu Harsing Kramsa kachepahemphu amai along Harmon Ingleng mai alamthe lapen alohi kapachini apor en. Bangso amai along alohi sarpo aman pen KAAC EM Raju Tisso chetong dun. Man-peng alohi aman pen KAAC MAC Lunsing Teron chetong dun, chopha alohi aman pen Samelangso Block Mondal ameiphu Chandra Ingti, Samelangso LAMPS ameiphu Sarsing Tokbi, Langlokso LAMPS ameiphu Bidyasing Bey lapen Langlokso Muzadar Chandrasing Teron atum pen danglok ongdung man kedo atum chetong dun.
Mai along KAAC EM Raju Tisso kejai ke, Karbi Anglong 26 Constituency angkang along tame non kithurmi okkarjang (Youth) atum kapathu ahin thek nangji lapen chingthur dun nangji pu Team Karbi Anglong jalin KAAC CEM Tuliram Ronghang kapinkhat atengsi Langlokso angkangta kapathu ahin paprang dun nangji pusi Langlokso Sports Association seng lo. Laso ateng Langlokso angkang non kithurmi ariso-okorjang (Spinster) atum joike pen methang adim alongsi pining aningkan pen kechengsi aphong pathu longlo. Lake Langlokso arat kopai kemelo puta EM Raju Tisso jai. Ladak kapathu aklam lapen jutang kachepate aklam heihui mesen kachingthur asai amo keklem kedamji aphan sai dengpo pu alamta jai.
Man pen alohi KAAC MAC Lunsing Teron pen kejai ke, kapathu pen ajok methang ok-pran aphan mesen lapen kapathu kethek pen ason-son sorkar akerap heihui kelong avarsai do pusi kapathu atum aphan aning pathe tekang.
Pini kecheng arni along Moon Star FC lapen XI Star FC atum angbongsi kapathu lo. Kapathu kijur derjon ajoin kerem kehai abirta longle lang.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug    
 12
3456789
10111213141516
17181920212223
24252627282930
Archives