ADVERTISEMENT

This area is available for advertisement. Please contact for details.

Arnivang
Get Adobe Flash player

Sarupathar MCC atum klembang amai kangni

DIPHU, Chiti 12: Karbi Anglong Autonomous Council kaparlo Sarupathar constituency Congress ajakong kacheharjakji aphan pini Balipathar Mondal Congress Committee (MCC) methang saihem along MCC klembang amai kangni.
MCC ameiphi Kadom Terangpi chepahemphu amai along MMCC ameiphi Kasang Beypi, chunbang Protima Hansepi, VDC chairman barim Silarson Rongpi lapen Congress klembang atum chetong dun. MCC chunbang Moniram Teron si mai kepha alamthe kejai apor en.
Kevangji 2019 aningkan MP kilik ahut Sarupathar angkang Congress ajakong kachepangtangji along kosonsi keklem kedam kinirsip asai amo aphuthak mai klembang angbong kachetong ahut chingvai. Congress kapakling thip ajakong kelongji aphan ongdung Congress klembang angbong chetong sarsi bidi sore chepachoi.
Kevangji arni Sarupathar angkang along PCC, PMCC lapen PYCC atum pen chingvai kachingvaiji alamta cherai.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug    
 12
3456789
10111213141516
17181920212223
24252627282930
Archives