ADVERTISEMENT

This area is available for advertisement. Please contact for details.

Arnivang
Get Adobe Flash player

Kaselambom atovar aphan Minister Sum Ronghang FWO kelar pusi rat akoi kevan

Minister Sum Ronghang aphan rat kapinrem

imageBAKALIA, Chiti 11: Assam ratpangri Hills Area Department (HAD) a minister Sum Ronghang kedamtang Chiti niphai hini arni tovar kaselamji aphan kangpu tovar akrong isi aron kelar mate alamtoi (order) kelar pusi hadak arat akoi van. Halabangso arni Langpher Constituency along sika 50 crore atangka pen kaselam nangji lapen kaselamtang scheme 11 ingpulo. HAD minister Sum Ronghang, CEM Tuliram Ronghang lapen ongdung EM, MAC atum cheto dunsi kaprek-kaprek a scheme pen pen 2017-18 dihin aningkan PMGSY atangka pen Murmu Ronghang tovar krongpli kachetok pen Longsekjan kedongput Kakijan an kacheleng atovar kaselamji aphanta ingpulo. Halapu Minister arideng pen kangpu tar pangthek (signboard) adung PWD asaikam atum akaprek atar pangthek ketar ajok hadak arat atum ning kangsamse chepaklang. Saikam ahin pen ketar atar pangthek along PMGSY ahin pen sika 201.13 lakh atangka panongsi km 3.37 ajak Rajapathar Tiniali pen Murmu Ronghang kedongput Sampathar Ronghang arong an tovar kaselamji aphan toklo. Saikam ahin pen ketar atarpangthek pen halabangso arni minister Sum Ronghang kangpu atarpangthek ketok kachingbarbe det ajok rong arat atum ning kangsamse chepaklanglo. Laso ajoine pini Langpher Constituency Longsekjan tovar krongpli kachetok along penang an arong arat chingrumsi kachesong asai deng. Kachesong ahut rat atum kaningje ke saikam ahin pen ketar atarpangthek ateng pen kaselam nangji tovar akrong heihui ke, Murmu Ronghang arong, Kania Timung arong, Kolomsing Tisso arong, Maharaj Teron arong, Kramsa arong, Bura Teron arong, Sampathar Chouhan arong lapen Sar-ik Ronghang arong pen danglok rong narkep arong parlo nangji setame laso atovar akaprek akrong anantthusi klemrong ajok halahai arong arat atumke mesen avarsai kelong dun pen tikuk dun nanglo pusi ningduk chepaklang. Laso atovar kaselam pangchenglo setame manghu meme pen kaselam ington koksi akaprek anatthusi ponronglo lapen laso aphuthak PWD Bakalia division atum penta chingki –chethanlo setame thangnat angthek pipe detlo pusi hadak arat akoi van. Pini porphai 11 apor tovar kelongle arat atum chetosi Longsekjan tovar krongpli kachetok atovar along chesongsi Minister Sum Ronghang lapen BJP asong aphan pinrem anparta akaprek akrong ahin kaselambom asai ington nangji pusi kehang.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives