ADVERTISEMENT

This area is available for advertisement. Please contact for details.

Arnivang
Get Adobe Flash player

Citizenship Bill: Amit Shah kaningje alam Sonowal, AASU, AGP atum kedo dunjoi aphuthak Akhil keho

Guwahati, Chiti 11: Kedamtang Bhomkuru arni Citizenship Amendment Bill, 2016 aphuthak cheklandak pen Amit Shh kachekroi dun aphuthak Assam chief minister Sarbananda Sonowal, All Assam Students’ Union (AASU) lapen BJP pajirpo Asom Gana Parishad kedo dunjoi alam aphuthak pini Krishak Mukti Sangram Samiti jabang Akhil Gogoi kiphur.
New Delhi along National klembang amai kangni ahut BJP president Shah kaningje Citizenship Amendment Bill alam aphuthak Centre nang chekroi dun lo.
“Ilitum a chief minister Sarbananda Sonowal ta National klembang amai kangni ahut chetong dun lo, laso amai pen amendment bill kachekroi dun alam song pen kacherai aphuthak alangli (Sonowal) hili dunde. Kedamtang Aru 12 arni Editor meet along laso ahut alangli kaningje ke, jongsi Assam amuluk aning kehang ateng paplengple pulote Assam a CM pen kipu ale ave lo. Shah pen anti-Assamese amendment bill? kachekroi dun alam kopi ajoinesi kedo dunjoi lo” pusi song ahempi along pherangke amai kangni ahut Gogoi arju.
Alangli karju thuke Sonowal, alangli kachepindak Jatiya Nayak (regional hero) dam alam Illegal Migrants (Determination by Tribunal) Act, 1983 aphuthak Supreme Court pen paprai det, jongsi alangli lason pulote aning keme chepaklang”.
“Jatiya Nayak kachepaklangji apor lo, Assam amuluk aphan kelangji Sonowal arpu che-en nangpo, kalite chongvai noi jongsi nangli Assam amuluk aphansi kelangji ma mate Nagpur (RSS ahempi) pen kaparting alingsi kekroi dun po ma mate BJP a gari kedam  aling loma,” puta Gogoi arju.
Assam Accord kapachunji kosonsi arjap thipji ma lale ma noi puta Gogoi ningje.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives