ADVERTISEMENT

This area is available for advertisement. Please contact for details.

Arnivang
Get Adobe Flash player

Rajen Rongpi Asian Pacific Master’s Games along Tam Alek kelong dun

Diphu, Chiti 9: Hanjanglangso Langteng ahavar Ajit Rongpi arong amekar Lokheswar Rongpi pen Basapi Terangpi atum asopo Rajen Rongpi (Nigro) alangli Asian Pacific Master’s Games along India apharman tam alek (Bronze medal) long dun lo.
Kedamtang arni Punjab along kechengsi National Master’s Games kapathu ahutta alangli tam alek long dunsi non Asian Pacific Master’s Games along kachepate dunji aphan avarsai cheselam dun lo. Laso avarsai kelong ateng alangli chepanahokhesi tam alek long dun pen det longri apharman nongnam keme van lo. Asian Pacific Master’s Games pini an ni thom kepleng arni alangli chir kejor (Javelin throw) along chepate dunsi Rajen Rongpi tam alek long dun lo.
Pinpurme, alangli football kapathu ahinta Karbi Anglong mate amethang ahavar along penang an anong keme van lo, seta football kapathu pen anparta alangli athletic ahin aning kehang munak ajok football kapathu che-ohsi chir kejor anatthu non Asian Pacific Master’s Games along chepate dun pen nong-eh long dun lo. Alangli nong-eh kelong dun pen India, Assam lapen inglong a district Karbi Anglong apharman nongme van lo.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives