ADVERTISEMENT

This area is available for advertisement. Please contact for details.

Arnivang
Get Adobe Flash player

Area Tax Command asai keklem pangton kok lo: KPLT ceasefire

DIPHU, Chiti 6: Karbi Anglong solangdo arat manghu nangne nelitum asong penke Area Tax Command keklem asai pave det lo pusi KPLT ceasefire ameiphu Donri Kramsa chepaklar. Monsam akengkam chejorsi hemprek apharman sorkar pen chingki chethan lo. Seta ceasefire nanglong det pen nelitum camp along bang pharo hini sose klembang atum kecho kijunji aphan sorkar pen thangnat akerap ave det ajok area tax command bisi solangdo arat along chorung chohang choningri pen boha along kecho kijun chepador lo. Laso asai kedeng ahut penang an atum KPLT ceasefire amen pen kachekrong dunsi kether kehap pen aronre tangka kirung thap nang klem dun rongsi ahok KPLT ceasefire klembangphu atum aphan nongno si van rong lo. Lasi pini penke nelitum KPLT ceasefire song area tax command keklem asai ington kok. Song klembang do-an aphanta boha along si chehang thai lo. Lasi pini penke komane abang jongsi ceasefire amen pen command dothulang lapen tangka kirung thap asai do kok pulote rat atumta aning kehang ateng pen ingsai seta ceasefire pen thangta kipu dunji alam ave. Patoite pen jongsi tangka kirung asai deng bom lang pulote song pen sodak pen ingsaiji puta KPLT ceasefire ameiphu Donri Kramsa birta pachetak.
Pinpurme, hemprek, khei apharman longri longpat kejokvan long nangji pu akemang pen hile kaman otsi nampi namdur atalom boha dosi chesongsi sorkar aphan angtan paso lo. Monsam pensi ajat asai ta chunji pu akemang pen kache-ap ingtonsi pini arni angtan nangbar si ceasefire deng lo. Angtan vang det pulote kachesong ingtonte. Seta boha along song klembangphu atum aphan kecho-kijun anparta ason-son sorkar pen varsai mate akerap kipipe det ajoksi kedamtang arni area tax command klem nangkok lo puta PLT ceasefire ameiphu Donri Kramsa birta pachetak.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives