ADVERTISEMENT

This area is available for advertisement. Please contact for details.

Arnivang
Get Adobe Flash player

6.7 magnitude achikli Japan kahijuk; longle kangrei, hem kiru

Tokyo, Chiti 6: Theman arni Japan a nirep Hokkaido along chikli kahijuk ajok longle kangrei, hem kiru rihing ameh kaheno dolo. Rihing ameh kaheno ajok nuclear power plant along ta generator pensi kam klem nangkok lo.
Hokkaido along Thedam adam 3:08 aporsi 6.7 magnitude ajakong kedo achikli kahijuk. Tomakomai rongsopi longle arlo kilometre 40 karnuk adimsi laso achikli atiri do seta kahijuk pen kanahok kethe ke Hokkaido along. Longle kangrei ajok hem kiru tovar kaheno heihui dolo.
Japanese national broadcaster NHK kethan atengke chikli kahijuk pen areng keso aphai bang 125 dolo lapen kangbo bang 40 do pusi pu. Seta Hokkaido local disaster agency atum kapangdak ke arengkeso aphai bang 48.
Atsuma adung arongsopi along longle kanglem, hem kiru ajok ongdung abangphu kangbo dolo.
Theman adap anta asap-sap kahijuk dolang lapen kevangji arui ta kahijuk thuji angring do pusi Japan Meteorological Agency pangdak. Chikli kahijukji atiri asanchom along kedo ahem chardon heihui ke kiru ji angring do pusi Meteorological Agency pachere mek.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug    
 12
3456789
10111213141516
17181920212223
24252627282930
Archives