ADVERTISEMENT

This area is available for advertisement. Please contact for details.

Arnivang
Get Adobe Flash player

UP adangpi lang kethe, bang 16 kithi, bang 12 kepho

LUCKNOW, Chiti 3: Uttar Pradesh ahavar arve kejang lang kethe pen kacheraplok alamki pen bang 16 amonit kithi lapen bang 12 atum areng so dun lo pusi kelang chari pangthek bangphu atum pangdak. Laso arve kejang non nini aphisi ketho doji pusi meteorological asaikam pen pangdak.
Shahjahanpur atalom arve kejang pen-pen cheter keklo ajok bang trok amonit apran kedam lapen troksi atum areng keso.
A statement by the office of the UP Relief Commissioner on Sunday said, “Shahjahanpur along bang trok lapen Sitapur alongri along bang kethom atum apran dam lo.”
“Auraiyya pen Amethi along bang hini-ni amonit apran kedam. Lakhimpur Khiri, Rae Bareli lapen Unnao angkang pen inut-nut apran dam lo. Kithi arpum anta pangrum etlo,” puta pachetak.
State adangpi non an jon kre nerkep amarat api kithi lapen don 461 ahemtun nahok lo puta pachetak.
Shahjahanpur a District Magistrate Amrit Tripathi kaningje ke, ajahak atum ke arta kijum atumsi kepho lapen thengpi arum kachtibin ahutsi kepho.
“Mohit (24), Bablu (5), Anmol (10) lapen Dablu (11) atum cheter ameh kero pensi apran kedam,” puta pachetak.
Nabipur arong asor Vandana (11) lapen Sikandarpur asor Ashok (42) atumta lasonsi kepho lo puta Tripathi pachetak.
“Sub-Divisional Magistrate Ramji Mishra aphan kepho adim padam lo lapen kephovek ahem asor aphan sika lakh 4 atangka akerap pajir po,” puta alangli ningje.

Leave a Reply

Your email address will not be published. Required fields are marked *

BREAKING NEWS
September 2018
M T W T F S S
« Aug    
 12
3456789
10111213141516
17181920212223
24252627282930
Archives