ADVERTISEMENT

This area is available for advertisement. Please contact for details.

Arnivang
Get Adobe Flash player

Dikhow alangroi along hemtun isi bang 5 kanglim chok army asaikhi kiri ingtonte Kiri kerap dunji aphan Navy ta arnikangsam porphai pli nangkele

Dikhow alangroi along hemtun isi bang 5 kanglim chok army asaikhi kiri ingtonte
Kiri kerap dunji aphan Navy ta arnikangsam porphai pli nangkele

GUWAHATI, Chiti 3: Bhomti arnikangsam Assam ahavar Sivasagar alongri angkang Dichial arong Dikhow alangroi along Haren Bora ahemtun bang 5 atum Maruti Swift Dzire a gari kachingthanglok ajok Assam ratpangri kapinkhat pen tarlip abetung kiri asai ingtonte.
Kanglim chok bang pho atum aphan kiri tarlipsi asai kedengji aphuthak Prime Minister’s asaihem lapen Union Home Ministry atum aphan Assam Chief Minister Sarbananda Sonowal chingki chethan lo. Chief Minister Sonowal ardi ensi National Disaster Management Authority (NDMA) atum kiri dunji aphan pinkhat lapen Indian Navy atum kiri dunji aphan Union Defence Ministry penta chingki chethan lo.
Gari pen-pen kanglim chok atum aphan kiri dunji aphan state ratpangri pen sai kedeng ingtonte pin lo anparta Inland Water Transport (IWT) atelong hini ta inghong ding lo.
Todap adap prang apor malom anta kiri abetung atum arpum kelongji aphan ahin ahin ri dun bom lo, seta birta ketok apor ahut anke kiri abetung atum longle lang athema Dikhow alangroi along lang ajakong ingtang pik anparta ajahak adim 40 feet an kaharnuk lapen inghan ta harnuk pik an. Kiri dunji aphan hum kep atelong atumsi ri dun lo. National Disaster Response Force (NDRF), State Disaster Response Force (SDRF) pen delung trok lapen Dibrugarh pen Sivasagar inut-nut lapen Jorhat pen Golaghat bang hini-hini atumsi kiri asai deng lo anparta Indian Army atumta laso kiri asai along cherap dun dode sangse lo. Pangrumpet 32 deep divers atumta laso alangroi along pasunsi ri-i lo.
These divers include eight from the NDRF, four each from Dibrugarh and Jorhat SDRF, three each from Sivasagar and Golaghat SDRF and 10 divers from the Para Commando of the Indian Army.
Pangrumpet bang 100 kapajok abetung atum angbong NDRF pen bang 44, Dibrugarh SDRF pen bang 7, Sivasagar SDRF pen bang 12, Jorhat SDRF pen bang 10, Golaghat SDRF pen bang 8, Para Commando pen bang 14 lapen rat atumta kiri asai along cherap dun lo.

Leave a Reply

Your email address will not be published. Required fields are marked *

September 2018
M T W T F S S
« Aug   Oct »
 12
3456789
10111213141516
17181920212223
24252627282930
Archives