ADVERTISEMENT

This area is available for advertisement. Please contact for details.

Arnivang
Get Adobe Flash player

Jutang kachepate kaprek kaprek adim alongta bi nangji: HAD Minister Sum Ronghang

imageDiphu, Paipai 29: Karbi Loh Charli Jutang Aterank atum pen kapatirpi ingdeng 2 Karbi Anglong Inter Colleg Karbi Cultural Competition along pini adunthu arni HAD lapen Mine & Mineral a Minister Sum Ronghang chetong dun.
Jutang kapachanji aphan non ove kimi atum angbong methang ajutang jubat kachirim dun kenangsotsi, lasi lapuson kachepate jongsi bi bom pulote anuttin aove kimi aokkarjang atumta jutang akekan kilun kacharliji aphan aning kehang dopo.
Loh kacharli bom ahut jongsi jutang akekan kilun charli long pulote kacharli atumta aning karong dopo.
Lasi jutang kapachanji aphan Karbi Anglong arlo kaprek kaprek adim tame talon nangji pusi Kt. Jonasing Terang Lunkan amalin kangpu ahut HAD lapen Mine & Mineral Minister Sum Ronghang jai.
La-an chot kali, loh kacharli ahin tame kapaprang dunji aphan chepaduk nangji puta HAD minister Sum Ronghang pen osomar atum aphan aning parung tekang.
Pinpurme, atumi rong ketong pensi ingdeng 2 Inter College Karbi Cultural competition pangcheng lo. Laso aphi kaprek kaprek a college pen kachetong jutang aterank angbong jutang akekan kilun chepate lo.
Pini adunthu arni Karbi Anglong arlo anong kachethang Thekar chapbang mate Dibrugarh University executive council klembang Longsing Teron pen chenglok kaprek kaprek man kedo abangphu-phi atum chetong dun.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives