ADVERTISEMENT

This area is available for advertisement. Please contact for details.

Arnivang
Get Adobe Flash player

2018-19 dihin aningkan apharman KAAC aphan 1st phase sika 117,22.50 lakh atangka Assam Govt. nangkelo

DIPHU, Paipai 29: 2018-19 dihin aningkan apharman kelong nangji atangka state ratpangri atum nangkelole rek ajok KAAC along keklem kedam asai ahin penang an akisung mate katikuk ason dokoklo. State ratpangri ahin pen nonhetjong 2019-19 dihin aningkan apharman Karbi Anglong Autonomous Council (KAAC) aphan Annual Plan 1st Phase sika 117,22.50 lakh atangka nanglo tanglo pusi birta longdun. Kachini dun atengke KAAC CEM Tuliram Ronghang Dispur along kehang kapasik dam ajoinesi state ratpangri atum sai jokje laso atangka nanglo nangkok lo puta birta longdun. 2018-19 dihin aningkan Annual Plan ateng pen pangrumpet sika 234,45.00 lakh atangka hotlo. Laso atengsi 1st Phase along sika 117,22.50 atangka nanglo tanglo lapen ajahak abangke 2nd Phase ahutsi state ratpangri atum nanglo po.
State ratpangri atum KAAC aphan nangkelo 1st Phase atangka angbong pen Primary Education asaikam aphan sika 12,40.00 lakh, Higher Secondary aphan sika 10,50.00 lakh, Higher Education asaikam aphan sika 500.00 lakh, Flood Control asaikam aphan sika 975.00 lakh, Irrigation asaikam aphan sika 10,04.00 lakh atangka, Industries asaikam aphan sika 305.00 lakh atangka, Rural development asaikam aphan sika 375.00 lakh, Agriculture asaikam aphan 12,50.00 lakh, Marketing asaikam aphan sika 305.00 lakh, PHE asaikam aphan sika 10,94.00 lakh, Social Welfare asaikam aphan sika 350.00 lakh, Health & Family Welfare asaikam aphan sika 972.00 lakh,  Forest asaikam aphan sika 910.00 lakh atangka panongsi pangrum pet 1st Phase aphan pangrum pet sika 117,22.50 atangka nanglo lo.
Pinpurme KAAC Annual plan 1st Phase atangka Aru-Vosik achiklo angbongsi Assam ratpangri atum nanglo nangji apotlo setame kachini dun atengke KAAC atum state ratpangri atum aphan kedamtang 2017-18 dihin aningkan utilise certificate kapajirje det ajoinesi tangka nangkele keder-i pusi chini dun. Halapu HAD Minister Sum Ronghang ahin pen KAAC along keklem-kedam asai along kachejok dun ajoinesi penang an arji kiding laso atangka nangkele katikuk ason dokoklo pusi chini dun. Setame KAAC CEM Tuliram Ronghang Dispur along kapasik dam ajoinesi laso atangka nanglelo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives