ADVERTISEMENT

This area is available for advertisement. Please contact for details.

Arnivang
Get Adobe Flash player

2nd Inter College Karbi Cultural Competition rong ketong pensi kecheng

Diphu, Paipai 28: Karbi Loh Charli Jutang Aterank atum kapatirpi along KCS, KLA lapen JLF atum kacheto dun pen kapaman 2nd Inter College Karbi Cultural Competition pini pen pangcheng lo.
Karbi Anglong arlo kedo kaprek-kaprek a college pen kevang jutang aterank atum chetongsi todap apor rong ketong pensi Karbi jutang kachepate pangcheng lo. Laso aphi kangpu amai pangni lo.
Kangpu amai along alohi sarpo aman pen KAAC EM Raju Tisso, KCS ameiphu Chandra Sing Kro atum pen chenglok ongdung man kedo abangphu atum chetong dun.
Mai along kachetong dun alohi sarpo Raju Tisso pen kaprek-kaprek a college pen kevang charli osomar atum aphan kacharli ahin kapaprang dunji aphan aning parung. Lason thotsi jutang kachirim kibi ta kenangsot puta alangli charli osomar atum aphan aning parung tekang.
Mai along kachetong KCS ameiphu Chandra Sing Kro pen chenglok kaprek-kaprek alohi atum ‘charli osomar angbong jutang kachepate ke kemesen asai lo, athe non pen jongsi jutang akilun kekan thek lote ilitum Karbi ajutang kevangji arni paprang dun thekpo pu heihui alam than pare tekang. La-an chot kali kaprek akhei alammet kacharli dun akenangsot seta methang alam-aki ta choklim pen kaningjeji aphan bor-i nangji heihui alamta jai tekang.
Kangpu amai pachekak det aphi kaprek-kaprek a college pen kevang jutang aterank atum angbong jutang akilun kekan chepate pangcheng phit lo.
Karbi loh charli jutang aterank atum kapatirpi jutang akekan-kilun kachepate along kado kave college hum 14 ajutang aterank atum chetong dunsi Karbi ajutang kilun kekan along chepate dun.
Inter College Karbi Cultural kachepate bom Joysing Doloi Terang Auditorium hall along arnikangsam apor KAAC Higher Education a EM Jagatsing Ingti, Bokajan LA constituency a MLA Dr. Numal Momin lapen ove kimi rat asai klembang Tingkreng Rongpi anparta kaprek-kaprek man kedo abangphu atum chetong dunsi kachepate along kaprek-kaprek a college pen kevang jutang aterank mate charli osomar atum aphan kacharli alam pen chenglok jutang kachinghon nangji alam heihui than pajirmi tekang.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives