ADVERTISEMENT

This area is available for advertisement. Please contact for details.

Arnivang
Get Adobe Flash player

Sika lakh 50 sose Meghalaya ratpangri atum nang keklem kachingthur asai West Karbi Anglong District Administration kaphalangno dam

Meghalaya pen West Karbi Anglong ahoi alamki

imageBorgaon, Paipai 27: Meghalaya ratpangri atum pen aronre pin West Karbi Anglong arlo kaprek kaprek adim along nang kikim lapen kaselam asai amokha West Karbi Anglong district administration atum kaphalangno dam.
West Karbi Anglong a Deputy Commissioner Debojyoti Hazarika kabor-i pen Meghalaya ratpangri atum sika lakh 50 sose atangka pen Umru lapen Umru-2 along nang keklem bom kachingthur asai amokha phalangno pidam lo.
Laso kaphalangno dam ahut Meghalaya ratpangri pen nang kikim Community hall humni, IAY ahemso humso, Ri-bhoi District a MLA pen nang kesom along along-eh, Meghalaya ingnam raikom asaikam pen aronre nang ketar ingnam a tarpangthek  heihui West Karbi Anglong District Administration atum pen pini phalangno dam lo.
Lason thakthaksi Khili Umwang lapen Hawang along Meghalaya ratpangri atum pen aronre nang kedeng kachingthur asai amokha ta phalangno dam lo.  Kelangmepik West Karbi Anglong kacheraikomji aphan ki-un asai ke klemji pusi lam rihing pen kachingki ahut DC Hazarika ningje. La-an chot kali kachekoinot a state atum aphan inch isi West Karbi Anglong alongle ta papon longle puta alangli ningje.
Kachekoi a state atum Assam alongle along lapuson aronre pin pen kachingthur asai nang keklem athap kevangji arni pen k eave det nangji puta alangli ther. Lapuson asai keklem thek apot ahoi kedai kedo Karbi lapen Gorkha atum KAAC CEM Tuliram Ronghang lapen West Karbi Anglong a Deputy Commissioner Debojyoti Hazarika anparta Assam ratpangri atum aphan kachoro pajir. La-an chot kali ajirdingklui pen kedo ahoi alamki kapangsam serakji aphan ta alangli tum choningri.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives