ADVERTISEMENT

This area is available for advertisement. Please contact for details.

Arnivang
Get Adobe Flash player

Matijong achiklo kapatangji pu Deikrum adolong pini arni kaselam angthek avelang

Diphu, Paipai 27: Kedamtang 2010 aningkan EM Bidya Sing Rongpi athengno HAD Minister Khorsing Ingti pen long-eh kesom Deikrum adolong pini arni anta ketangji angring theklongle lang.
Pinpurme, kedamtang chiklo jonni aprang Nilip ahavar along Vikash Rally kapado ahut non kikhi bom Karbi Anglong Autonomous Council a CEM Tuliram Ronghang pen dolong kaselam a contractor Alam Khan aphan loh pachetoksi dolong kaselam Matijong achiklo angbong kapatangvekji aphan
pachechak lo.
Seta ningduk meme alam ke loh kapachechak arni pen pini arni an sai keklem bom angthek puke isinatta thek longle lang.
Matijong achiklo kapatangji adolong non Paipai kijut ahut anta sai keklem pangchengche lang pulote Matijong achiklo an dolong kaselam patang unjima. Contractor Alam Khan pen Karbi Anglong Autonomous Council a CEM mate Karbi Anglong arat athengno kachechak ke Council kachari lapen rat atum aphan kachongthu asonsi man det lo.
Contractor Alam Khan lamchak pidet aphi anta pini arni sai keklem angthek anta kave det ke Karbi Anglong arat do-an aphansi kelangplot angthek lo. Ahok lang the-oh apotsi jasemetpet sai klemno dak tahai seta sai keklem cheng bom lo pu angthek ke do nangji apot lo.
Dolong kave det ajoine non barla ahut tame aphong aphong rat atum tovar kacheleng un-eh akisung chetong nang lo. Lasi non ningkreng apor jongsi dolong kaselam otthip pen patangte pulote kevangji ningkan abarla ahutta lason thot akisungsi rat atum chetong nang lipo.
Lasi prapjin pen dolong kapatang serakji aphan havar arat atum Karbi Anglong Autonomous Council kachari man kedo CEM EM atum aphan choningri.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives