ADVERTISEMENT

This area is available for advertisement. Please contact for details.

Arnivang
Get Adobe Flash player

Inut traffic police aphan longle bapbop

imageDIPHU, Paipai 27: Diphu police station angkan Rongmirdan along patove ajo mate todap adap pinprele porphai hini apor malom longle kangrai ajok inut traffic police apran damjui lo. Birta kelong dun atengke Nagaon Dhing asor Nazrul Islam (40) alangli Diphu arongsopi alongsi asai arpu ketang ajok Rongmirdan edon anam pen kipi ahem alongsi dobom setame non malom arve kejang kachimitme longle kangduk ajoine longle kanglem ahut alangli kedo ahem along orthip lo. Laso ahutsi alanglita kopai kelangno ajok apran damjuilo. Alangliphan
pini longle arlo pen phursi Post Mortem asai klemlo lapen alangli arong kachevoi ahut apiso lapen osomar bang hini aphan chepamo tekang lo. traffic police Nazrul Islam kopai kelangno pen apran kedamjui ajok pini police ahamphang along setame ningduk chipisi alangli akarjong chom kaparap thekji aphan hirjume hangpi.
Pinpurme pining barla abotor arve kejang ahut Paipai 16 aningve longle kanglem mate KAAC Deputy Chairman barim Kangjang Terang ahem ahoi arpong kangrai ajok inut arta ningkan 12 Serdihun Teronpi apran kedam nang dolo. Lasi arve kejang apor ahut jasemet petke Diphu arongsopi inglong ahavar along kedo arat atum kachere mek kenangsot.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives