ADVERTISEMENT

This area is available for advertisement. Please contact for details.

Arnivang
Get Adobe Flash player

Samelangso Block Mondal pen Dokmoka Town Mondal ST Morcha atum kangdang amai kangni

Diphu, Paipai 23: Dokmoka Town Mondal ST Morcha ameiphu Sarlongki Tisso mei chepahemphusi BJP Mahamaya Mondal asaihem along Samelangso Block Mondal lapen Dokmoka Town Mondal ST Morcha atum chelangpet kangdang amai ingni.
Mai along alohi sarpo aman pen District ST Morcha ameiphu Rukmo Tokbi, BJP Block Mondal ameiphu Chandra Ingti, Mahamaya VDC Chairman Longsing Tokbi atum chenglok kaprek kaprek song klembangphu-phi atum chetong dun.
Mai along Morcha atum thangnat kelong dunde det aphuthak ningduk chepaklang rinti. Laso atengsi mai along kachetong dun alohi atum pen rat aphan kaprek kaprek alam pen aning pathe. Laso ahut ningkan isi angbong ke kado kave aphan pachetang et lo. Lasi ningkan kethom angbong Block along nang kele asai do-an kapachetang etji aphan bor-i pusi VDC chairman Longsing Tokbi jai.
La-an chot kali District ST Morcha ameiphu Rukmo Tokbi pen kado kave atum ning kiding pen kedoji anparta kaprek kaprek scheme nang keleji lapen BJP atum pen rat apharman kaprek kaprek asai keklem aphuthak than.
La-an chot kali BJP asong keklem kedam lapen kaprek ratchari asong atum keklem kedam kachingbarbe aphuthakta alangli mai along than paklar.
Laso aphi mai pachekakke aprang meiphu Samelangso Block Mondal ST Morcha ameiphu pen kirip alamthe jaisi mai pachekak lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives