ADVERTISEMENT

This area is available for advertisement. Please contact for details.

Arnivang
Get Adobe Flash player

AUDC apharman kechengsi aphong KAAC pen AU along kedam

imageDiphu, Paipai 23: Assam University Diphu Campus (AUDC) along ason-ason akisung aphuthak kachingki-chingvai damji lapen Assam University Diphu Campus aphan kechoklim a university kapinchongji aphuthak KAAC pharman bangphu pen kechengsi Assam University a vice chancellor Prof. Dilip Chandra Nath aphan kachetong dam.
KAAC Higher Education EM Jagat Sing Ingti, AUDC member secretary lapen Dibrugarh University executive council member Longsing Teron lapen AUDC pro vice chancellor Prof. Shivasish Biswas atum pini Assam University, Silchar an humri damsi AU a VC Prof. Dilip Chandra Nath aphan Assam University Diphu Campus along kedo asaikam tin atum kisung kepho, seh kechelang avarsai lapen kedam-kevang avarsai kave, anghoi kerai, professor kadure lapen ason-ason akisung alam chingki-chethan tekang.
Laso ahut VC Prof. Dilip Chandra Nath non kevangji Phaikuni achiklo Assam University Diphu Campus along nang humriji pusi KAAC Higher Education EM Jagatsing Ingti, Thekar chapbang Longsing Teron lapen AUDC PVC Prof. Shivasis Biswas atum athengno nang chechak dun.
KAAC EM Jagatsing Ingti lapen AUDC PVC atum pen Assam University Diphu Campus along ason-ason akisung alam jong dunsi pinpur aloh pajir tekang. La-an chot kali Karbi Anglong Autonomous Council a CEM Tuliram Ronghang kelo dun DO letter lapen KAAC pen kehang aloh ta Assam University a VC Prof. Dilip Chandra Nath arideng pajir lo.
Lahai kado kave kehang alam do-an aphuthak lang po lapen kehang ateng kapachunji aphan un-an nang bor-i dunpo puta VC Prof. Dilip Ch. Nath chechak dun lapen alangli rideng kave ason an ke kapadengji aphan MHRD along lo po puta alangli chechak.
Pinpurme, Assam University Diphu Campus Diphu along nang pangni det pen non aphong hen lo ason-ason akisung kachetong alam ponpen KAAC pharman bangphu Assam University Silchar along kapale dam cheng lo.
Puthot anarlo apor full-fledged university kapinchongji aphanta Delhi pen kevang Mukul Ji aphanta chetongdun pen alangli ta keklemji aphan lamthe chipi. Laso ahut amatsi MHRD a minister aphanta chingkisi appointment alam pulo. Lasonsi alangli UGC a chairman aphanta pinkhat po puta chechak.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives