ADVERTISEMENT

This area is available for advertisement. Please contact for details.

Arnivang
Get Adobe Flash player

West Karbi Anglong pen phant 90 Hindibhashi arat NRC along amen avedet: KAHA

imageBAKALIA, Paipai 22: Kedamtang Jakhong 30 arni kapangdak NRC draft final list along Karbi Anglong pen West Karbi Anglong arlo ongdung Hindi Bhashi atum amen ave dundet pusi Karbi Anglong Hindibhashi Association (KAHA) atum akoi van. Paipai 21 arni Bakalia Press Club along kapangni pherangke amai ahutsi alanglitum laso alam kapangdak. Alanglitum
kapangdak atengke Karbi Anglong pen West Karbi Anglong hini inglong alongri pangrumpet bang lakh isi sose Hindibhashi arat do voiphit seta West Karbi Anglong along phant 90 lapen Karbi Anglong along phant 60/65 NRC along amen ave detlo. Laso along Hindibhashi arat aphan kopene bidi kanglim keklem tahai pu honthesi Assam along legacy data dokok aphita NRC along amen kethap ponpe det abangke chokche pusi akoi van. Halapu NRC Centre heihui along anta Hindibhashi arat atum kenangsot akerap pen tikuk nanglo puta akoi vansi jasemet petke Hindi amek pen ketoktang document heihui NRC centre along kedo asaiphu-saikhi atum langle pin pensi ingthan et puta akoi pisi lahai keklem ajok pensi ongdung Hindibhashi arat NRC along amen ave dundetlo pusi ningje. Laso aphuthak prapjin pen deputy commissioner aphan chetong damsi kapachiniji aphan cherai tanglo pusi pherangke amai along KAHBA ameiphu Dr. Rambali Chouhan, rap chunbang Ramananda Chouhan, bidisar Bhubeneswar Chouhan lapen tiri klembang Ramananda Yadav atum ningje.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives