ADVERTISEMENT

This area is available for advertisement. Please contact for details.

Arnivang
Get Adobe Flash player

Voter list pen NRC final list ahut English amek pensi paklang nangji: KEA

Diphu, Paipai 22: Voter list lapen NRC drafts update publication along Karbi Anglong arat atum amen Assamese amek pen kapaklang aphong-aphong kechok lim kali det titi aphuthak Karbi Employee’s Association (KEA) ameiphu Ratneswar Tisso pen sankur chunbang Borsing Teron atum ningkangsamse chepaklang.
KEA ameiphu Ratneswar Tisso pen sankur chunbang Borsing Teron lapen alanglitum klem rappet Longsing Timung, Khogen Ingti, Biren Teron, Paniram Timung lapen penang an chokamar atum chelang pet pen District Registrar of Citizenship Registration (DRCR), Karbi Anglong asaiphu aphan panongsi Paipai 21 arni Addl. Deputy Commissioner N. Bey arideng pinpur aloh pajir dam. Karbi Anglong angkang apharman keklang bom voter list Assamese amek pen kapaklang along kechokche kelong ver ajok ningingsamse detlo lapen anparta NRC draft publication keklang tin ahut ta amen pachok limle det abangke mo aphi akisung dokokji pusi pinpur aloh along jong dun. Voter list pen NRC henlo khei lapen methang alongri kedovek pu kepangthek-i arisim lo. Lasi laheihui a document abang choklim nangji. Kechokche henlo kachetonte angtheklo mate klang rong lo. Assamese amek pen jongsi paklang ver lo pulote mantune ta kechoklim angthek long un-e detpo, lasi kevangjilang apor ahut manghuhe pinji aphan voter list along lapen NRC final list keklang ahut ke English amek pensi kenangsot dokok po athe Assamese amek pen kapaklang rong ajoine penang an arat atum amen, apo amen, arong amen pen kechenglok kechokchesi ke-ong. Lasi voter list pen NRC along Assamese amek pen patokte ra English amek ke-ensi keme, kali pulote kevangji arni manghumeme asaisi klang bomji. Lasi voter list pen NRC klang padu ahut ke Assamese alar English amek pensi paklang vek nangpo puta KEA atum jongthip lo. Pinpur aloh kapajir dam ahut bangso alam aphuthak kapachun pameji aphan saiphu atum pen chingvai po pusi Addl. Deputy Commissioner N. Bey asangho lamchak pidun pusi KEA sankur chunbang Borsing Teron pachetak aloh nangpale.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives