ADVERTISEMENT

This area is available for advertisement. Please contact for details.

Arnivang
Get Adobe Flash player

Central Reserve Forest arlo angtan pen kevang atum aronre hem-rit kachikim

imageDiphu, Paipai 22: Diphu Central Range Reserve Forest ahavar malom aronre angtang pen kevang atum longle kacherai bom pu abirta longsi meiphu Prakash Terang kejalin KSYC adilung atum kelangchari dam.
Laso ahut ahokpet Diphu Railway Station pen kachekoinot havar malom aronre angtan pen kevang abangphu atum aronre hem-rit kachikim arnivangsi nang kebat asonsi thek long.
Lapuson angtan aronre nang kilut nang kebatpik ajoine ladak kedo barim ahamphang atum aphan kaphere meme asonsi dokok lo. La-an chot kali ingnam anta pavirbom asonsi thek long.
Pini KSYC atum kahumri dam ahut isi kamanghu meme ason kethek dam longke, ingnam raikom atum kerai alongle arlo MLA scheme pen kedeng Brick Boundary Wall kangpai thek dam long.
Karbi Anglong Autonomous Council atum pen lahai aronre kedo angtan pen kevang atum aphan katharle asai prapjin pen klem nangji. Kali pulote sai jokje KSYC atum lahai atum aphan kapatharleji aphan kangtuiving along kedo ajakong kedo atum along anta pale nang kokpo pusi KSYC ameiphu Prakash Terang ningje.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives