ADVERTISEMENT

This area is available for advertisement. Please contact for details.

Arnivang
Get Adobe Flash player

Kilik aprang tovar selamle pulote MP kilik ahut rong nanglut longle pusi Bampathar arat kachingkrin

imageDen Arong, Paipai 20: Parokhua pen Bampathar kacheleng atovar MP kilik aprang nang selampipe pulote madu ratchari atumta Bampathar apirthe kilik kapachethang aphan vang longle pusi Bampathar arat kchingkring.
Parokhua pen bampathar kacheleng atovar hadak arat atum amethangsi tovar kacheselam pu abirta kelong ateng pherangke atum pini adim along an humri dam. Laso ahut rat atum kachethang ke, labangso atovar aphan lok ko-ansi methang atangka pen kaselam unpoma, laso atovar kedamtang ASDC atum kachari ahut selam chot aphi Congress ningkan 15 lapen non BJP kachari ningkan isi pleng det aphita madu atumta tovar nang kaselam piji aphan matha abang ave.
Lasi non kevangji MP kilik aprang jongsi laso atovar nang selam pipe pulote BJP chot kali kaprek a ratchari asong atumta  Bampathar ahavar ke kilik kapachethang mate vote kehang aphan akengpak nangchibi longle pusi aning kipung arat atum pherangke atum athengno nangje.
PWD atovar pusitame aningkan vangta Arvin timung pen ajirpo atumsi bangso atovar aphan saijokje methang atangka chipakon pen selambom puta Bampathar arat atum pherangke aphan than.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives