Phant 100 Karbi aratsi chokamar long-et nangji: KUYA (TNT)

DIPHU, Paipai 19: Karbi Anglong along non malom chokomar asai keklangbom lapen interview ke-en bom along Karbi arat atum aphansi kipi pa-ong nangji pusi Paipai 18 arni Karbi Unemployed Youth Association (KUYA) (TNT) klembang amai kangni ahut cherai pusi KUYA birta pangdak. Pachetak aloh pen alanglitum kapangdak ke, Karbi Anglong Autonomous Council (KAAC) chari atum ratchari ale pathethe det nangji, tangka pathethe det nangji lapen don-rap chelangvong vongve ra kiduk kelak ariso-ejang mate apun achak kechoklim atum aphansi chokomar anghoi pekpon vek nangji pu hangsi angtan pen kevang atum aphan jongsi chokomar pidet pulote KUYA ahir ingtangrak chesongji lapen KAAC atumsi adai che-en nangji pusi pachetak aloh pen KUYA (TNT) ameiphu Bikram Timung birta pachetak.