ADVERTISEMENT

This area is available for advertisement. Please contact for details.

Arnivang
Get Adobe Flash player

Nihang Donsuri Zonal Committee atum 26 ZKYF apharman tirikam amei keseng

imageDiphu, Paipai 19: Pini porphai 11 apor malom pen Japralangso Jutang aklam along ingdeng 26 ZKYF mesen kapachunji aphan pusi tirikam keseng amai pangni.
Nihang Donsuri Zonal Committee kaparlo rong asar, kethe-kiding lapen man-peng kedo atum pen chetongsi mai ingnilin.
Romesh Singnar kachepahemphu amai along Kangbura Ingti mai kepha alamthe jai. Mai along alohi sarpo aman pen KAAC EM Jagatsing Ingti chetong dun. La-an chot kali EM barim Humsing Bey, VDC chairman Riso Singnar, rat asai klembang Adison Terang, Minika Hansepi atum pen chenglok KCS mate jutang kachinghon abangphu-phi atum chetong dun.
Mai along penang an ajirkiding chingki chethan det aphi kado kave chedonsar pen tirikam amei seng lo. Mai along ratchari asong kacheprek alam vanve det nangji lapen jutang jubat kapachanji aphansi anuttinta bor-i nangji pu heihui alamta mai along kachethan ardipi. Penang an chingki chethansi 26 angdeng Zonal Karbi Youth Festival kapachunji aphan pusi VDC chairman Riso Singnar aphan meiphu lapen Hunaram Singnar aphan chunbang pek lo. Mai along kachetong kaprek kaprek atum aphan tirikam sanchom amei a chairman lapen convenor peksi tirikam amei keseng patang lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives