ADVERTISEMENT

This area is available for advertisement. Please contact for details.

Arnivang
Get Adobe Flash player

I-Day katalon ahut kachetong dunde govt. asaiphu-saikhi atum aphan DC pen Show cause notice kipi

DIPHU, Paipai 19: Nonhetjong Paipai niphai 15 arni India detpi arlo ingdeng 72 Independent Day alir alon pen katalon pachunlo. Lason thakthaksi halabangso arni Diphu arongsopi arlota CEM Tuliram Ronghang detpi alama ingthursi ingsamjin pen katalon pachunlo. Setame halabangso katalon arni ke-ongdung government asaiphu-saikhi atum pathetap-patheprui dolo laso ajoine Karbi Anglong Deputy Commissioner Mridul Kumar Mahanta ning kangsamse chepaklang. Independent day ason isi kethedung katalon asai along Diphu arongsopi ongdung arat atum kacheto dun alar ajahak government asaiphu atum abangke cheto dunde detlo. laso along jasemet petke District Transport Officer pen District Treasury henlo. District Transport Officer katalon alongklam along chetong dunde det setame alangli detpi alama ensi tovar along bike rally dun. Setame Deputy Commissioner ahin pen District Treasury pen Ditrict Transport asaiphu atum aphan show Cause notice pale pusi birta longdun.
Halapu Independent Day arni Diphu Langpi Dehangi Rural Bank Bazar branch along detpi alama kangthur kaparlin dunphak ajoine bank authority atum aphan notice pale puta chini dun.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives