ADVERTISEMENT

This area is available for advertisement. Please contact for details.

Arnivang
Get Adobe Flash player

Thengpi pen-pen inut akanghu aphan kenep

imageBAKALIA, Paipai 18: Ongdung thengpi kanghu abeha keklem atum Karbi Anglong district arlo thengpi kerot kanghu et apor ahut kedamtang aningve Bakalia Forest asaikhi atum kiri kakuruk ahut beng pho segun athengpi pen pen inut akanghu aphan nep long. Birta kelong dun atengke  atumi ningve thengpi kanghu beha klembang atum Bakalia anglum pen thengpi inghu ponbom pu aprang pen Northern range Bakalia Forest asaikhi atum joi joi pen birta kelong dunlok ajok Forest asaiphu Horinath Ronghang jalinsi Bakalia Irrigation along kedo dolong along jopnangthang tondunlo. Laso ahut adap pinprele porphai 2:30 apor malom bangpho thengpi kanghu atum ahumtin a cycle along bepho segun athengpi inghu ponbom ahut alanglitum Forest asaikhi atum aphan men men kethek longlok ajok bangpli atumke akangting avarsai cho-ensi athengpi pen a cycle che-oh tekangsi katjuilo setame inut abangke kekat duntong thekthe det ajok Forest asaikhi atum nep dun longchek lo. Kachingnang longchek abangphu ahemke Nagaon district Purana Kaki asor Jiten Pator pusi pangthek. Alangli pherangke angno kachikobir atengke laso athengpi Patradisa anampi pensi kanghu lapen aprangta lasonsi kanghu asai along cherap dunbom pusi chekobir. Jiten Pator aphan pini Forest asor atum Court toilo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives