ADVERTISEMENT

This area is available for advertisement. Please contact for details.

Arnivang
Get Adobe Flash player

PM Modi Kerala lang kethe kelangdam, Sika 500 crore kerap kapajir

New Delhi, Paipai 18: Kerala lang kethe non an bang 324 apran kedam lapen pharo sose areng keso dolo. Pini adap apor Kerala, Kochi along helicopter pen Prime Minister Narendra Modi lang kethe lang dam. PM Modi along Chief Minister Pinarayi Vijayan ta dun.
Prime Minister pen Kerala Chief Minister angbong mai ingnisi Kerala aphan sika 500 crore kerap pajir po pusi PM lamchak pi. Paipai 12 arni Home Minister Rajnath Singh kapangdak sika 100 crore kerap kipiji pen akaprek lo non sika 500 crore kipi thuji ke. Arve kethe, lang kethe lapen longle kangrei pen apran kedam atum aphan inut pen sika 2 lakh lapen areng keso ahir kethanrak atum aphan sika 50,000 atangka Prime Minister’s National Relief Funds pen kerap pipo pusi PM Modi pangdak.
Kerala along lang kethe langdam lo. Lang kanglum ajok ongdung akhi kanahok dolo. Longri arlo pharo isi doji dam, reservoir lapen langroi alang kangbak ajok bang suri armu kachepachong aboha dodam nanglo. Lang kethe ajok ongdung adim tovar kaheno, dolong kiru, hem kiru lapen lang kepon dolo.
Rihing ameh kave, phone kachelongle pen danglok kijun alang aphan anta akisung dokok lo. Hum 30 doji military helicopter lapen hum 320 atelong pensi Kerala along lang kethe kerap dun asai deng-i lo. Longri arlo along kaprek-kaprek long 2000 adim kachepachong aboha alongsi 310,000 doji armu chepachong lo.

Leave a Reply

Your email address will not be published. Required fields are marked *

BREAKING NEWS
August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives