ADVERTISEMENT

This area is available for advertisement. Please contact for details.

Arnivang
Get Adobe Flash player

Panjuri alamki Karbi Anglong pen angtan kangsaiji aphansi DC pen HC along Affidavit kapajir

GUWAHATI, Paipai 18: Kangthilangso Panjuri Kachari arong along alamki aphuthak kangsai asai kapadobom apor ahut no ephong abangke Karbi Anglong pen angtan kangsaiji aphansi Karbi Anglong District administration atum kehang. Guahati High Court ahin pen jung jung lamhoi kapabon PIL case no. 5/18 kehang ateng pen hearing kapado ahutsi Karbi Anglong Deputy Commissioner ahin pen laso akangsai asai Karbi Anglong district pen angtan keponji aphansi High Court along affidavit pajirlo.
Pinpurme Kedamtang Vosik niphai 8 arni Dokmoka police station kaparlo kangthilangso abolon nangkelangji aphan pura Guwahati arongsopi pen bang hini abangphu Nilotpol Das pen Abhijit Nath atum aphan phangkedong kitin pen hadak arat atum apran armut detlo. Laso alamki social medeia along kangdang ajoine longri arlo hur chodut lo lapen adai kedovek atum aphan ingsai nangji pusi anutinta hanglo. Laso aphi kitinthap lapen kahonthe thap asai langno pen chepahelo nangji anparta ahokhe alam kapachethang thapthe detji aphan Assam ratpangri atum along along cheroktok asai tame denglo. Halapu laso alamki aphuthak Dokmoka police station along 33/18 pen 34/18 alamhoi kapabon atengsi Assam police atum tongsekot kakuruk asai kedeng ahut pangrum pet bang 48 abangphu aphan neplo lapen 40 sose kenangsot  a report forensic laboratory toilo.
Setame isi kejongdam meme alam abangke Guahati High Court methang jung jung lamhoi pabonsi fast tract court along kangsaiji aphan hukum pidet aphi laso akangsai Karbi Anglong pen angtan si kapadoji aphansi Karbi Anglong administration atum hanglo.
Halapu adai kedo atum lapen hakhi atum elongvet adim ajoine hakhi atum aphan kether kapahap longle detji aphan administration atum sai dengbomlo.

Leave a Reply

Your email address will not be published. Required fields are marked *

BREAKING NEWS
August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives