ADVERTISEMENT

This area is available for advertisement. Please contact for details.

Arnivang
Get Adobe Flash player

NRC aphuthak cheroktok amai kapangni

imageBorgaon, Paipai 18: West Karbi Anglong District admistration atum patirpisi pini Bhomta arni Chinthong Constituency angkang Umlapher Gorkha Bhawan along atumi NRC aphuthak cheroktok amai kangni.
NRC aphuthak cheroktok amai along ADC Anil Ch. Das lapen NRC asaiphu atum chetong dun. Gorkha atum kedo kanglum pik Upper Chinthong havar along pen bang pli kep sose atum non hetjong NRC draft along klang dunde det.
Komatne jongsi kechoklim a document do pulote thangta kamatha nangji alam ave, athe lahai atum amen ke NRC angdung kiti a list along klang dunji pusi West Karbi Anglong a DC ningje. Ahok he abirta keklang along manghu dun nangne puta DC choningri. Mai along bang 500 sose kachetong dun arat atum jongsi kopine kaheno dak alam do pulote adunghetk police station along kapachini damji aphan ta DC pachini tekang.
NRC asai along un-an nang cherap dun nangji Meghalaya ahoi kedai kedo Khasi atum pen DC aphan kachoningri lapen havar along monsam kapadoji aphan kabor-i apot rat atum West Karbi Anglong a DC aphan choningri.
Laso amai along West Karbi Anglong District Administration ahin pen ahoi kedai Hawang ahavar VDP kelangchari abangphu Laxmi Prasad Adhikari aphan West Karbi Anglong District arlo kemenai a VDP award pajir tekang.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives