ADVERTISEMENT

This area is available for advertisement. Please contact for details.

Arnivang
Get Adobe Flash player

LDRB penta Apun Ghar a loan kipi kecheng

Diphu, Paipai 18: Assam ratpangri pen state sector a chokomar atum amethang arit kachikim thekji aphan pusi isi kemesen scheme Apun Ghar a loan interest jumhek pen pi lo.
Laso ateng Langpi Dehang Rural Bank atum penta chokomar atum aphan ahem arit kachikim thekji aphan pu state ratpangri pen kemang along pacheton dunsi pini pen Apun Ghar a loan kipi pangcheng lo.
LDRB atum pini District Primary Teacher atum aphansi loan kipi a form keron mate kedeng pangcheng lo. Pini kechengsi arni kado kave bang 63 anbak athanbang atum loan ke-enji aphan loh jok dun pusi LDRB Chief Executive Marketing officer Kumar Vikash Sinha than.
Ratpangri pen apor keme kipi ahut mate interest jumhek pen hem kachikim a loan kelongji aphan state sector a chokomar atum ale cho-en dunsi keme pusi Asst. Marketing Executive Officer Lokhiram Timung than.
Loan kacho-en dunji atum longle patta nangji lapen kaprek kaprek kenangsot do nangji anparta passport photo pak pho lapen inglongso atum caste certificate do vek nangji puta alangli tum pen than. Laso a loan non kevangji 2019 There 31 ansi kipiji aphan arni hot lo seta kapangdangji aphan angring do puta langli tum than.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives