ADVERTISEMENT

This area is available for advertisement. Please contact for details.

Arnivang
Get Adobe Flash player

Contractor Dharma Kakoti aphan nep ingnang nangji: KSA, KLYDC

imageDiphu, Paipai 18: Tovar kaheno aphuthak Karbi Student’s Association Amtereng aro lapen Karbi Langpi Youth Development Committee atum KAAC CEM Tuliram Ronghang aphan kapanong a pinpur aloh Amtereng Police Out post a IC Prodip Gohain arideng pajir dam.
Tovar kahenopik aphuthak KSA lapen KLYDC atum kejalin along rat atum chetong dunsi kachesong asai deng lo. Laso ahut hamphang asong hini atum pen mesen atovar kelongji aphan pusi todap porphai 9:30 pen arnikangsam porphai 2:30 apor an tovar rangkha lo.
Rat akisung kapajokji aphan sai deng nangji pu jong dunsi KSA lapen KLYDC atum chelangsi CEM aphan kapanong a pinpur aloh Amtereng police out post ic Pradip Gohain arideng pinpur aloh pajir dam. Tovar kaselam kechokche lapen rat atangka kaphalangno apot contractor Dharma Kakoti aphan nep ingnang nangji anparta kangtui ving angdeng patarlip nangji. Lengri kedongput Baithalangso kachetok dun PWD atovar puthot paselam thu nangji lapen Baithalangso PHC along mesen a doctor nangtui nangji pu heihui kehang alamthe jong dun.
KSA Amtereng Branch Committee ameiphu Borsing Rongphar, KLYDC ameiphu Rahul Teron, KSA C.C ameiphu Semion Rongphar, KSA Hamren District Committee ameiphu Atursing Teron pen atum pen jalinsi tovar karangkha lapen pinpur aloh kapajir asai pachun lo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives