ADVERTISEMENT

This area is available for advertisement. Please contact for details.

Arnivang
Get Adobe Flash player

Atal Bihari Vajpayee amahang kethek arnisi Bogibeel Bridge ingpu po

Guwahati, Paipai 18: Prime Minister barim Atal Bihari Vajpayee amahang kethek Matijong 25 arni det arlo kiding nei road-rail bridge Assam arlo Bogibeel Bridge kangpuji aphansi Indian Railways sai klem lo.
Ministry of Railways lapen Assam pen Arunachal Pradesh Government atum angbong chingvaisi Vajpayee amahang kethek Matijong 25 arni Prime Minister Narendra Modi arideng pen laso adolong kangpuji aphan pathik lo.
Pinpurme ningkan 16 aprang halaso ahut Nitish Kumar Railway Minister kekhi bom ahutsi Brahmaputra alangroi along 4.94 km Bogibeel Bridge kedonji aphan 2002 aningkan Jangmi 21 arni Vajpayee long-e som tekang lo.
Vajpayee arta kedo-o ajok New Delhi, AIIMS along keso kachelang ahutsi Theman arni achethe avedet lo. Arong kachevoi ahut an arta ningkan 93 lo.
Bogibeel Bridge pu adim ‘Atal Setu’ pusi amen lar nangji pusi Bhomta arni BJP Dibrugarh MLA Prasanta Phukan kehang.
Dhemaji pen Dibrugarh adak Brahmaputra along kedon adolong isivet alongsi gari lapen train ahor ta dolo.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives