ADVERTISEMENT

This area is available for advertisement. Please contact for details.

Arnivang
Get Adobe Flash player

All Karbi Student’s Fresher aphan non Paipai 20 arni pamanpo

Diphu, Paipai 18: Diphu Govt. College Karbi Students Committee (DGCKSC) atum patirpisi kevangji Paipai 20 arni Diphu Joysing Doloi Terang Auditorium Hall along Ingdeng 4 All Karbi Students’ Fresher Meet, 2018 kapadoji aphan chesik chedang tanglo.
Bangso asai along alohi sarpo aman pen KAAC EM i/c Higher education Jagat Sing Ingti chetong dunji lapen pha pangjang alohi aman pen Dibrugarh University lapen Assam University along Executive Council Member mate Thekar achapbang Longsing Teron chetong dunji.
Ingdeng 4 All Karbi Students’ Fresher Meet, 2018 katalon adap porphai 8:30 apor malom pen loh charli osomar atum aphan kedeng padodet aphi adap porphai 9 apor malom pen mai ingniji. Anarlo porphai 3 apor malom pen DGCKCS Unit atum pen Karbi National Anthem pado ponsi arnikangsam porphai 3:30 apor malom pen DGC along jutang apindeng sompot kachethang chepateji.
Laso aphi arnikangsam porphai 3:40 apor malom pen Miss pen Mr. Karbi Fresher kachelan ta chepateji. Bangso asai along KYO sankur chunbang Si-im Teron ahin pensi ingpu po lapen arnikangsam porphai 5:30 apor malom pen rat asai klembang Tingkreng Rongpi ahin pensi lunkan amalin ingpuji pusi DGCKSC meiphu Sar-im Tisso lapen sankur chunbang Sar-im Rongchehon atum pachetak.

Leave a Reply

Your email address will not be published. Required fields are marked *

August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives