ADVERTISEMENT

This area is available for advertisement. Please contact for details.

Arnivang
Get Adobe Flash player

KAAC pen Diphu arongsopi arlo keklem asai do-an kasa-oi saide: USUKA, KHDPO

DIPHU, Paipai 17: Diphu arongsopi arlo KAAC pen kedeng asai do-an kasa-oi saide pusi United Students Union of Karbi Anglong (USUKA) pen Karbi Hills Development & Protection Organisation (KHDPO) atum akoi van. Pachetak aloh pen alanglitum kapangdak ke, Matipung along kaselam Arboretum cum Craft Centre ningkan isi plengple aprangsi ingrai laplo. KAAC pen arinivang langchari dunvoi aphi setame kaheno daprang abangke manghu meme lapen kachelangdun kapangkre ajoinelo pusi jongdamlo. Non keklembom asai ke KASA Stadium, Diphu ahithi atovar, Rongpharpi Rongbe pen Diphu Civil Hospital, Taralangso pen NH-36 kachetok atovar, Diphu River Cleaning and Boulder Pitching asai, Joysing Doloi Auditorium Hall pen Bijoy Teron arong an kapacheklo dam atovar anparta dolong heihui asai keklem kasa-oi street light heihuita kekarkesi ke-ong puta pachetak aloh pen akoi pisi eson-son asai mate CEM Bungalow ason batai pharo paklem det poma pusi arju. KAAC alongke isi-si asaikam aphan batai isi-si ansi fund ta longchotji. Asai tangte aprang tangka chopanglim et ajoksi asai abang meme det titilo, lasi arpu kedo contractor lapen saikam saiphu-saikhi atum aphan KAAC pen ingsai thekthe loma pusi pachetak aloh pen USUKA meiphu Bidon Kramsa pen KHDPO ameiphu Morningson Teron atum birta pachetak.

Leave a Reply

Your email address will not be published. Required fields are marked *

BREAKING NEWS
August 2018
M T W T F S S
« Jul   Sep »
 12345
6789101112
13141516171819
20212223242526
2728293031  
Archives